وقت غضب ابني اتجنب الرد عليه بغضب مماثل ليه؟
لان دا غالبا هيزودغضبه فالاول حاولي انك تسيطرى علي غضبك اولاوتجاوبي عليه بصوت هادي ورزين وبكده هيقدر يفهمك وتكوني قدوة ليه انك وقت الغضب بتسيطري ع اعصابك وتنسحبي من النقاش وتاخدي نفس وبتدي لنفسك فرصة علشان تهدي
مشاعر الغضب شئ طبيعي المشكلة ف ازي نعبر عنه ف اساليب مقبولة واساليب تانية مرفوضة ممكن اعلم طفلي عن الغضب لما اكون متفهمة سبب غضبه لانه غالبا بيهدي لما يعرف اني حاسة بيه ومتفهمة مشاعره زي مثلا اخوه خد لعبته من غير ميقوله وهو عمال يصرخ وعايز ياخدها منه بالعافية
لو انا تفهمت سبب غضبه وقلتله تعرف انه شئ يضايق بجد انه ياخد لعبتك من غير ميستأذنك فاول مرة تعملي كده ابنك هيتفاجأ ايه ده ماما حاسة بيا وفهمت مشاعري
تان خطوة تعمليها بعد ما يهدي تسأليه اسئلة تحفيزية تساعده علي التفكير الايجابي تفتكر ممكن تعمل ايه علشان اخوك مياخدش لعبة تان بدون اذنك؟
اسئلة تساعدنا احنا الاتنين علي التفكير ف حلول
لو لسه مكنش هدي استأذنه انه ممكن يدخل اوضته لحد ميهدي او انت تدخلي اوضتك لحد ما الموقف يهدي
وقت الهدوء نعد مع بعض ونحط خطة للسيطرة علي ثورات الغضب نحط قايمة بالحاجات اللي ممكن يعملها لما يحس انه هيفقد السيطرة علي اعصابه زي مثلا انه يلعب بالكرة يسمع حاجه تفرحه تضحكه واطلبي منه انه يكتب الافكار دي ف ورقة ويعلقها ف اوضته بحيث ان اول ميغضب يروح يبص عليهاوكمان ممكن نتفق على كلمة سرانتو الاتنين تستخدموها لما حد هيبتدي يفقد اعصابه التاني يفكره بيها والكلمة دي تكون اشارة اننا نوقف الحوار دلوقتي لحد منهدي
