اعظم هدية تمنحها الاسرة لافرادها الاهتمام
الاهتمام والعناية داخل الاسرة شئ مهم جدا فالاسرة تشبه الحديقة اننا جميعا ننمو بسرعات مختلفة ونحتاج الي غذاء الحب والترابط من اجل البقاء علي قيدالحياة
ونحتاج الي ازالة الاعشاب الضارة
تموت الحديقة سريعا اذا لم يتواجد البستاني العطوف الذي يبقيها علي قيد الحياة
ماي سارتون
الصق رسالة
اي شخص ف البيت تحسي انه محتاج دعم اكتبي رسالة والصقيها علي مراية الحمام او الطبق او علي شباك العربية
الموضوع مش هياخد وقت مثلا
انت تقدر
بحبك جدا
هافكر فيك طول اليوم
عارفة لو ف بنات كتير وباختار منهم بنت علشان تكون بنتي اكيد هتكوني انت
كان ف صديقة ليا علي الفيس كتبت جملة حلوة اوي بتقول لو قلت لجوزك
يا بخت ولادك ان انت ابوهم تفتكري هيقولك ايه
عارفة يا ريتاج احلي وقت في يومي اللي بالعب فيه معاك
خليها عادة وحطي سلة فيها ورق ملون واقلام وابتدي انت الاول علشان تشجعي الكل يكتب
الاطفال بيستمتعوا باللعبة دي جدا
ورسايل الحب والتقدير والتشجيع المفاجاااااة ليها مفعول السحر ف تصليح اي علاقة
ابنك اللي طول النهار بتشتكي منه محتاجك لان اي سوء سلوك وراه احتياج وطفل مش متشجع
مستنيكم تبعتوا لينا رسايلكم وافكاركم الجميلة علي جروب الصفحة او علي الخاص وهننشرها كلها علشان نشجع بعض
بحبكم جدا
مع بعض هنقدر
ياتري مين اول واحدة هتبعت النهاردة؟
