العند

العناد هو دليل اعلان الطفل استقلاليته بيبدأ من سنتين عايز يقول أنا موجود اتعلم كلمة لا وعايز يقولها
مشكلة العند فيها مميزات رغم ان طبعا سلوك العند بيضايقنا ان ابنك لما يكبر مش هيكون تابع لحد وده يحميه من ضغوط الصحاب ف فترة المراهقة لما يكون حد عايز يجره ف طريق غلط

كمان التحدي والاصرار بيساعده ع تحقيق نجاح كبير ف حياته

الحلول
:١.تجنبي اعطاء ابنك توجيهات مباشرة وخيريه تعمل دا ولادا تحب تعمل ايه الاول ، تحب تعمل كذا قبل الغدا ولا بعد الغدا
٢.اسأليه تحب تشيل لعبك ازي مثلا
٣.تفهمي مشاعره واللي بيضايقه وتتعاطفي معاه ياه دا فعلا شيء يضايق اوي عندك حق
٤.نحط قوانين محددة وروتين نمشي عليه كل يوم
٥.الحب والاحضان اكتر حاجة محتاجها السن دا مفعولها سحري عن تجربة هتلاقيه احسن معاك ف كل حاجة
٦.الحسم مع الحنان مثلا ابني شبط ف لعبة برة ومش هينفع اجيبها دلوقتي اكلمه براحه وبهدوء واخده ف حضني جامد اوي وابص ف عينيه وانا بكلمه بكل حسم مش هنقدر نجيب اللعبة دلوقتي هنكتبها ف wishing list ونرسمها علشان نبقي نجيبها بكل حسم الحنان والحب اللي هتدهوله وقتها هيهديه ويمشي معاك انا مقدرة جدا اد ايه انت مضايق حاجه تضايق فعلا