Return to site

أطفالنا والأجهزة الذكية والتلفزيون

ابني علطول قاعد على الكمبيوتر

وجود التلفزيون وأجهزة التابلت بقى حاجة اساسية في كل بيت بس برضو لازم نعرف ازاي نقلل الضرر بتاعها

ازاي اقول ان ابني اتعود أو ادمن استخدام الاجهزة

1. انه مش بيحب اللعب مع اي حد من زمايله ومنعزل حتى عن قرايبه وعيلته

2. بيبقى مش مستريح او هادي الا اما يكون قدام الشاشة اللي بيحبها

3. عايز يستخدمه باي شكل حتى لو من وراكي لانه بيشكله نوع من السرية الخاصة

4. هتلاحظي تاخر في الانتباه والتركيز في الكلام اللي بيتقاله وكمان في الدراسة

5. كل مرة هيحتاج وقت أطول عشان يشبع منه لدرجة انه ممكن ياخده معاه قبل ما ينام

طيب ايه أضرار من التعود عليها

1. أهم وأسرع حاجة بتبان علطول اضطرابات النوم

2. مشاكل الشهية وعدم انتظام الأكل

3.منعزل عن الناس اللي حواليه

4. مابقاش يحب اللعب والانشطة البدنية ودا هيسبب السمنة وضعف الجسم بشكل عام

5.كمان قلة الحركة يعني مش بيستكشف العالم اللي حواليه ودي هتققل عنده مهارة الذكاء

6.هيميل للعنف في التعامل دا لان معظم اللعب بتعتمد فيها على العنف وكمان مشاهدة افلام الكرتون بتعلمه العنف والعصبية المفرطة

7.ضعف الذاكرة وصعوبة التعلم

8. وكمان من الأضرار الصحية علية مستقبلا ضعف النظر وعدم انتظام الموجات الكهربائية في المخ ..ودا ممكن يكون نتيجته رعشة في الايد.

الحلول

1. الطفل اقل من سنتين بلاش اي اجهزة او شاشات ذكية.. ولو كان ضروري يبقى من 10-15 دقيقة في اليوم واحنا معاهم

2. سن السنتين مش هنزود عن ساعتين اليوم كله والاحسن يكونوا مش متواصلين

3.تتفقي معاه على الوقت المحدد.. وقبل نهاية الوقت تنبيه ان الوقت قرب

4.في الوقت اللي هو قاعد فيه هنشاركه اللعب عشان نتاكد من الحاجات اللي بيشفوها وانها مالهاش اي اثر سلبي زي العنف او تلميحات غير اخلاقية

5. حاولي تشتركي له في اي انشطة في الصيف في اللعبة اللي بيحبها

6. مش مشكلة لو كنا برة في خروجة مثلا وعايزاه يكون هادي انك تديله الايباد عشان يهدى

7. طبعا احنا لازم نكون اول ناس نطبق دا على نفسنا.. يعني احنا نقلل استخدام الاجهزة دي وخاصة قدام ولادنا عشان القدوة

ميرهان مصطفى

معا تصبح التربيى متعة

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly