Return to site

عايزة تعلمي ابنك مهارات التواصل

كلمة السر اجتماع العيلة

الاطفال بيحبوا جدا اجتماع العيلة ليه؟​

1.ان حد يسمعهم ويسمع مشاكلهم ويعبروا عن رأيهم واللي مضايقهم .

2.انا ممكن اكون مختلف مع ماما وبابا وكل واحد يقبل التاني زي ماهووبنفرح مع بعض وبنقضي وقت حلو ف اجتماع العيلة

3.يحسوا بالتقدير والاهتمام لان كل واحد ف العيلة بيشكر التاني

4.يفكروا ويقترحوا حلول لاي مشكلة ف العيلة

5.كمان بيميلوا انهم ينفذوا الحل اللي هم اقترحوه

زي مثلا ريتاج بترمي كل حاجة ف اي حتة

اقترحت ان ها هتحط كل حاجة ف مكانها

وانا ضفت نصف ساعة كل يوم ننظم البيت علشان بيتنا يكون منظم

كل ماتنسي افكرها اتفقنا ع ايه؟

تروح حط الحاجة مكانها

مناسب للاطفال من سن اد ايه ؟

من 4 سنوات اقل من كده مش بيفهموه وبيقاطعوا كتير وبيكون صعب عليهم تعلم مهارة الاستماع وحل المشكلات .وتقدير الاخرين فيستحسن نعمله مع الاطفال الكبار لما الصغيرين يناموا

ازي اعمل اجتماع العيلة؟

خطة التدريب علي اجتماع العيلة

الاسبوع الاول

بنكلم العيلة (اي حد عايش معانا ف نفس البيت )ان اجتماع العيلة بيتكون من 5 حاجات

1.الاجندة

2.كلمات التقدير والشكر

3.العصف الذهني لحل المشكلات

4.اي نشاط فيه مرح ولعب اواكلة بنحبها كيكة ..فيشار ..لعبة بنلعبها مع بعض...فيلم بنتفرج عليه مع بعض

5.بنظم خروجة الاسبوع او الشهر اكل الاسبوع

اول اسبوع بنتكلم ع الاجندة وافهم الاطفال ان اي حد عنده مشكلة بيكتبها في الاجندة

الاطفال الصغيرين ممكن يقولوا للكبار يكتبوالهم

مكان الاجندة بيكون علي الثلاجةواي حد حابب يضيف حاجة خلال الاسبوع يكتبها في الاجندة

مش هينفع الاسبوع ده نحل اي مشكلة لحد منعلم الاطفال واحنا كمان نتعلم ازي نعمل عصف ذهنيbrainstorming for problem solving

نقولهم ان الاسبوع الجاي كل واحد هيشكر التاني عن اي حاجة ولو بسيطة حد عملها ليه من افراد العيلة

فكل واحد يفكر هيشكر كل فرد من افراد العيلة ع ايه؟

ووممكن نحط ورقة شكرا ونعلقها علي الثلاجة واي حد يعمل حاجة للتاني يشكره مثلا امبارح شكرت ريتاج انها ساعدتني وجابت لي بامبرز لنور اختها الصغيرة

مدة الاجتماع الاول من 5 الي 10 دقايق بالكثير

خلال الاسبوع

لاحظي لما يكون ابنك عنده مشكلة ؟

قوليله:تحب نكتبها ف الاجندة؟

ومتصريش انك تكتبيها سيبه براحته

لما تلاقي ولادك الاتنين بيتخانقوا بيضربوا بعض

حد يحب نكتب اللي حصل ف الاجندة

مجرد اقتراح بتقوليه علشان تفكريهم بالاجندة وتدربيهم انهم يكتبوا اي حاجة بتضايقهم

لما انت بقي يكون عندك مشكلة وحاجة ضايقتك زي مثلا مش بيحط اللعب ف مكانها.

دي مشكلة تحب تكتبها انت ف الاجندة ولا اكتبها انا

لو موافقش من حقك انت تكتبي انت كمان اللي مضايقك اكتبيها

تابعونا وباقي خطة التدريب ع اجتماع العيلة الاسبوع التاني

الاسبوع الجاي باذن الله

اي سؤال ابعتوه علطول علي الصفحة او الجروب

واعملوا اجتماع العيلة الاسبوع الاول

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly