Return to site

اعمل ايه لما ابني يعيط الصبح وانا خارجة رايحة الشغل؟؟؟

· الطفل الزنان

الايام دي اجازة والولاد ف البيت واطفال كتير بتزن وتعيط وتصرخ كل يوم الصبح والام خارجة رايحة الشغل

  احساسك كأم؟ بتكوني مضايقة وحاسة انها بداية سيئة بتبدي بيها اليوم ومش عارفة تعملي ايه بتحسي بالعجز انا مش عارفة اتصرف كل يوم بيحصل كده

الاطفال بيكونوا حاسين بايه ؟ انا لوحدي وماما هتسيبني انا مش مهم كمان بيحس انك متضايقة وانك ف صراع اسيب ابني واروح الشغل ولا اعد معاه واسيب الشغل وهو بالعياط والزن بيحسسك بالتقصير بالزيادة بادام انتي سايباه ف ايد امينة سواء حضانة او ماماتك فمتقلقيش من انك تروحي الشغل وتسيبيه الفترة دي لان ف الحقيقة كثير من الامهات بيكونوا امهات احسن لما يخرجوا يشتغلوا خصوصا لو حاجة كمان بيحبوها والخروج بيديها احساس بالراحة وان ف وقت لنفسها فاطمني وروحي شغلك وانت واثقة انك ام عظيمة وبتخلي بالك من ولادك سواء كنت بتشتغلي اولا.

1.حاولي وانت خارجة تنقلي لابنك احساسك الهادي وانك بتحبيه وابتسمي وشجعيه وقوليله لما ارجع نفسي اشوف اوي مثلا الرسومات اللي رسمتها بالالوان الجديدة ....او اي نشاط تاني بيحبه

2.يكون ف روتين محدد كل يوم وانت خارجة وكلمتين وبس بحب لو كلمتين ثابتين علشان يكون رابط ذهني لما الكلمتين دول يتقالوا يعني انت خارجة يكون مستعد نفسيا فيه بعض الاطفال الصغيرين بيستمتعوا بانهم يساعدوكي مثلا يقفلولك زراير الجاكت ،يشيلوا شنطتك لحد الباب لما يساعدوكي بيحسوا انهم هم اصحاب القرار ف الخروج وانهم مسيطرين ع الموقف

ممكن تودي ابنك يوم مكان شغلك لو ينفع علشان يعرف انت بتكوني فين لما بتسيبيه يتخيل المكان خليه يعد علي الكرسي بتاعك ويستخدم تليفونك مرة تانيه وديه ف نفس الوقت الصبح واشرحيله بتعملي ايه فلما تيجي تروحي الشغل تان يوم هيكون عنده صورة ذهنية عن مكان شغلك ومتخيل انت فين وبتعملي ايه #كتير من الولاد بيتقبلوا فكرة ذهاب امهاتهم للشغل بعد التجربة دي

تعاطفي معاه عارفة ياحبيبي انك بتفتقدني لما باروح الشغل وباوحشك انا كمان باكون مفتقداك جدا وبتوحشني اوي لاننا بنحب بعض اوي ودايما نفسنا نكون مع بعض لكن لازم اروح الشغل كل يوم زي ماانت بتروح المدرسة وانا بحب شغلي وانت ممكن تعمل انشطة كتير وانا مش موجودة وتوريهالي وتحكيلي عملت ايه

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly